广雅、执信

广雅中学和执信中学哪间比叫好？
从几个方面来说，比较一下（环境、师资、知名度……）
越多方面越好
（本人文科比较好，建议考哪间）

既然执信人讲完，那就到广雅人讲啦

我原先系应元噶，今年去左广雅
1.环境
广雅环境绝对系全市最好，我地第一唔系郊区啦（地处荔湾），第二校园最靓，哩点大家都承认啦，连今年江苏嘅校长嚟都话：这就是我梦寐以求的校园啊。而且广雅系前4间占地最大的。广雅亦非常古色古香，我地历史最悠久啦，120年啦！

2.师资
执信嘅老师系唔错，但系广雅嘅老师都好好。我地嘅老师都好负责人，而且都几有经验，特别系教高三毕业班嘅。我地语文、英语、政治、历史、地理老师我都觉得教得唔错，广雅会好重视拓展，而且英语都学得几深噶。记得一开学就教你“非主流少年”同“无手机焦虑症”嘅英文点讲啦。

3.知名度
哩个我地从学校排名嚟讲，重本率系执信俾我地高。往年嘅入学分数都系，不过今年我地反超啦，全市第三，虽然入学分数唔会有几大嘅说服力，不过代表我地生源唔错啊嘛。
顺带一提，执信嘅校长系广雅过去嘅。

4.自由度
从发型嚟讲，执信女仔要剪短，广雅唔使。执信要着校鞋，广雅唔使。执信中午可以出去食饭，广雅唔俾。执信4点40放学，广雅5点半放学。
不过执信同广雅都几自由噶。我见到广雅高二、高三嘅姐姐都可以染头发或者卷。只要你唔太过分老师就唔会点抓你。

5.活动
据我所知执信嘅社团都几多下，有推理社啦，仲有大名鼎鼎嘅模联啦（执信模联真系好犀利），英文辩论等等，广雅就有动漫社，茶艺社，心理社，魔方社，转笔社等等。不过执信嘅社团都系利用放学时间搞噶。（哩点我系听同学讲噶）

6.氛围
两间嘅氛围都好活泼，不过执信同学貌似略微比较文静啲（个人意见），广雅就活跃啲，仲特别容易High。

暂时讲咁多，你比较下啦。听讲执信英文好劲。但广雅文科都系数一数二噶，而且所有广雅人都觉得广雅好啊。我当初系觉得广雅嘅名好听先去考，不过等我有深一层了解我就觉得广雅真系唔错啦。

最后啊，建议你两间学校嘅开放日一定要去睇（上年广雅系4月低，执信系5月），同啲学生交流下，自己感受下校园环境先做最后决定啊。

希望中考顺利啦（入到哩两间任何一间都好唔错了！）加油！

ps:楼上同学的意外论我不太赞成，偶然都是由很多个必然构建而成的。

广雅